A Voz da Infancia

A Voz da Infancia é o título da obra exposta durante o período vacacional no Centro Cívico e Cultural de Arteixo, elaborada polo alumnado do noso centro e os nenos/as da EEI de Rorís e EEI da Lagoa.

As voces do alumnado plasmadas nos lenzos pretenden poñer de manifesto todo aquilo que non lles gusta e que como adultos/as debemos dar exemplo: escoitar, comprender e respectar.

A exposición foi o resultado dun proceso de interpretación, concienciación e visualización de sentimentos iniciado o 25 novembro en cada unha das nosas escoliñas, e que puxemos en marcha coa seguinte caixa:

Abriuse, sacaron o contido e estableceron hipóteses sobre que se trataba e a forma de resolvelo.

Tras dar coa solución, analizamos a palabra celebrar, pois despois de ler o resultado, esta foi moi usada polo alumnado. Isto levounos a falar do seu significado e se realmente consideraban que se trataba dun día de celebración entendido como festexo.

Posteriormente procedemos á lectura de "Tu cuerpo es tuyo" de Lucía Serrano e comezaron a xurdir todas esas voces recollidas nos audios e lenzos expostos no resultado final.

Os días seguintes dedicáronse á elaboración da proposta: 

 

E este foi o resultado:

Foron moitas as ideas extraídas polos nenos/as e moitas nas que como adultos debemos reparar.

 "No me gusta que me quiten las cosas de la mano"

"No me gusta que me abracen sin permiso"

"No me gusta que me obliguen a comer frutas que no me gustan"

"No me gusta que me abran la puerta en el baño cuando hago caca"

(…)

Que necesario é escoitalos/as e respectar límites, sendo o bo exemplo á infancia a mellor forma de que días como estes non teña que ser nunca máis conmemorados.

Espero que a valorásedes e que puiderades escoitar as súas voceciñas manifestándose!