Terra 🌍

Dende a volta das vacacións estivemos moi centrados en descubrir máis minuciosamente cousiñas do noso planeta. Algunhas das características nas que estivemos reparando foron:

As capas da Terra

Os continentes e a súa situación no mapa

Elaboración do planisferio

Cun molde circular elaboramos a contorna do que sería o planisferio e utilizamos as pezas dos continentes do quebracabezas para representar cada continente.

Fomos pintándoo con acuarelas seguindo o código de cor dos continentes establecido no quebracabezas, permitindo asociar os diferentes conceptos a determinadas cores.

Lecto-escritura a través do nome dos continentes

En función do nivel, identificamos o continente e escribimos con rotulador ou mediante estampación o nome de cada un.

Lugares do mundo

Identificamos e asociamos diferentes lugares naturais con cada continente. 

Mini-libro continentes

Seguimos co código de cor de cada continente para facilitar, xunto coa forma, a súa identificación e aprendizaxe. Así mesmo, con esta proposta, ademais de exercitar a psicomotricidade fina, favorécese a concentración, a dedicación...

Seguiremos afondando neles, pero esta vez de maneira independente, para coñecer cada un deles pouquiño máis 😊.