Samaín 👻🎃

Fai dous venres o centro encheuse de pequenos e pequenas bruxas, vampiros, cabaciñas, unicornios… para dar lugar a unha xornada diferente.

Ao longo da semana levaramos a cabo a lectura de contos cunha ambientación diferente a habitual, na escuridade a luz dunha candea🕯. O responsable da semana da lectura debía escoller os contos máis vencellados a esta celebración e que nos fixeran tremer un chisco. 

Ademais, aproveitamos unha cabaza grande aportada por unha das familias para coñecer as súas partes e preparala para o día.

Durante a xornada, repetimos o que se está a converter xa nunha tradición, aínda que nesta ocasión,  decidiron eles/as mesmos/as os ingredientes e elaboraron o que se recitaría no día:

“Orellas de gato, cola de ratón,

Que sempre teña bo corazón.

Caca de ovella, sangue de dragón,

Que non me falle a imaxinación.

Fresa podrida, dentes de vampiro

Corre corre que che pillo.

Babas de can, nariz de bruxa,

Que nunca me veña a curuxa.

Mocos de babosa, pis de caracol,

Que este ano faga moito, moito sol.

Uns pos máxicos debemos botar,

Para esta apócema rematar.

Comezamos ca retirada dos nomes dos ingredientes e identificando cada un deles:

Unha vez feito isto, engadiron os ingredientes tratando de non tocalos, algo que nos tomamos moi en serio ao tratarse de ingredientes máxicos 😌.

Para rematar, recitamos a apócema e engadeuse o po máxico (algún deu no quid da cuestión 🤭):

Durante a xornada contamos cunha invitación á experimentación coa luz negra. O que foi toda unha sorpresa! Xurdiron ata propostas sobre deixar o cuarto de Marina para sempre así 😂.

Outras opcións para o día foron: 

Debuxo

Transvases

E máis xogo coa mesa de luz e diferentes elementos fosforescentes!

Sumando experiencias e momentos para o recordo!