Nadal II

Como última publicación do trimestre, ensínovos o resto de propostiñas con elementos da época coas que contamos e algunhas máis específicas que levamos a cabo durante o día de onte.

Arte con pinas, aproveitando as pinas aportadas a comezos do outono 🍂

Dúas propostas diferentes relacionadas coa melodía da famosa panxoliña "Dulce Navidad"

A opción máis sinxeliña consistía en facer soar unha caixa de música, xirando a palanca de forma máis rápida ou lenta (en función de como quixeran que soara a melodía) no sentido das agullas do reloxo para lograr que soara (en varias ocasións chegaron a pensar que rompera ao facelo en sentido contrario 😅).

A segunda opción consistiu en interpretar a partitura presentada co nome das notas. Para os máis pequenos estableceuse un código de cores para cada nota. A proposta foi presentada unha única vez quedando posteriormente a súa disposición. Eles/as mesmas íanse fixando no nome e corrixíndose. Nos últimos días soaban así: 

Xenial, a que sí? Faremos máis propostiñas deste tipo seguro!

Elaboración de postais

Podería dicir que esta proposta foi sen dúbida a favorita do trimestre. Dende que se presentou, o espazo destinado para o seu fin estivo sempre ocupado, debendo regularse entre eles/as ao estar preparada para estar só dous ao mesmo tempo. 

As postais podían regalarse as persoas que quixeran, xa fora un familiar, un amigo/a... O último día no que estivo operativo a proposta foi o meu día de sorte! Agasalláronme cunhas cantas 🥰!

Outras propostas que tiveron a súa disposición foron: 

Series con luces

Propostiñas de tarxetas e formas navideñas

Polo que respecta ao día de onte, tivemos unha xornada moi relaxada e contamos coas seguintes opcións:

Desexos de aninovo

Obradoiro de colgantes

Xogos con tapóns

Composicións de cadros

E un pouquiño de disfrace e fotografía!

Recordade que o mellor regalo que lle podedes ofrecer aos/ás peques é un fermoso tempo en familia! Deséxovos un Bo Nadal a todos/as, unha feliz entrada de ano e moita saúde!