#OS/ASPEQUESNACASA

Aquí vos deixo unhas fotiños que me chegaron de Sofía e Chloe sobre as letriñas do abecedario e levando a cabo o experimento das legumes!

Obxectos coa Q:

Obxectos coa R:

 Momento legumes:

Comparto tamén con vos unhas fotiños de Celtia e Noa co seu super dominó casero e coas mans na masa, nunca mellor dito!

A masa que están a empregar chámase masa ou pasta de sal! Para os/as que non a coñezades é unha masa caseira para modelar que leva os seguintes ingredientes:

- 2 medidas de fariña
- 1 medida de sal fina
- 1 medida de auga.

Para levar a cabo a súa preparación mestúrase a fariña e a sal e vértese a auga pouco a pouco. Vaise amasando ata que quede unha masa uniforme. Si se pega moito vaise agregando máis fariña e sal, e se pola contra, queda moi seca, podedes engadir máis auga.

Con esta masa podedes facer calquera tipo de figuras: un molde do tamaño da man ou do pe, colgantes, adornos... Tamén é útil para facer negativos de pezas a modo de fósiles, marcar a silueta de pequenas pezas como dinosauros ou sacar as pegadas de animais de xoguete.

Polo que me comentaba a súa mamá, antes de modelar deixárona repousar uns 30 minutiños. Eu sempre a empreguei directamente pero probarei de novo con ese tempo de espera! 😉 O que sobre, podedes gardalo na neveira ben pechadiño para usar outro día. Para conservar as creacións débese meter no forno a 100º durante uns minutos (o tempo dependerá do volume das pezas). Outra opción é deixalas secar ao sol aínda que a espera é moito maior. Unha vez secas pódense pintar. Animádevos a probar!